ՔԶԱԿ-ում հավաստել են աշխարհում քիմիական զենքի պաշարների 98,3 տոկոսի ոչնչացումը

17:08   30 Նոյեմբեր 2020    221

Քիմիական զենքի արգելման կազմակերպությունը (ՔԶԱԿ) կարող Է այս պահին հավաստել աշխարհում առաջին կատեգորիայի քիմիական զենքի պաշարների 98,3 տոկոսի ոչնչացումը:

Hayatsk.info-ն հայտնում է, որ նոյեմբերի 30-ին այդ մասին հայտարարել Է կազմակերպության ղեկավար Ֆեռնանդո Արիասը՝ ելույթ ունենալով ՔԶԱԿ-ի մասնակից պետությունների 25-րդ խորհրդաժողովում:

«Քարտուղարությունը լի Է վճռականությամբ կատարելու իր մանդատը եւ ծառայելու ի բարօրություն մասնակից պետությունների այս բարդ շրջանում,- նշել Է նա:- Օբյեկտներում քիմիական զենքի ոչնչացման ստուգումը շարունակվել Է այն միջոցների շնորհիվ, որոնք թույլ են տալիս ապահովել զինաքննիչների եւ օբյեկտների աշխատակիցների առողջությունն ու անվտանգությունը: Հոկտեմբերի 31-ի դրությամբ ընդհանուր առմամբ ոչնչացվել Է 96 303 մետրական տոննա հայտարարված առաջին կատեգորիայի քիմիական զենք կամ դրա 98,3 տոկոսը»:

Քիմիական զենքի արգելման կազմակերպության միակ անդամը, որի մոտ կան քիմիական զենքի պաշարներ, ԱՄՆ-ն Է: Դրա ոչնչացումը ներկայումս շարունակվում Է եւ պետք Է ավարտվի 2023 թվականին: Ռուսաստանն իր պաշարների ոչնչացումն ավարտել Է 2017 թվականին:

Hayatsk.info

Հեշթեգներ: ՔԶԱԿ  


Վերնագիրի այլ պիտակները