Բիթքոինի արժեքը գերազանցել է 2017 թվականին արձանագրված ռեկորդային ցուցանիշը

21:57   30 Նոյեմբեր 2020    237

Բիթքոին թվային արժույթը թանկացել է և հերթական ռեկորդը գրանցել: Ինչպես փոխանցում է «Ինտերֆաքս» գործակալությունը՝ հղում անելով CoinDesk պորտալին, թվային արժույթի գինը երկուշաբթի 8,4 տոկոսի աճ է գրանցել՝ հասնելով 19 786,24 դոլարի:

Նախորդ ռեկորդը ($19783,21) արձանագրվել է 2017 թվականի դեկտեմբերի 18-ին: Այս տարի թվային արժույթի գինը բարձրացել է երեք անգամ, իսկ սեպտեմբերի սկզբից՝ 97 տոկոսով, տեղեկացնում է Hayatsk.info-ն:

Բիթքոինը թանկանում է համաշխարհային շուկաներում ընդհանուր դրական իրավիճակի ֆոնին, ինչը պայմանավորված է նաև պատվաստանյութերի ի հայտ գալով, որի շնորհիվ հնարավոր կլինի վերահսկողության տակ պահել կորոնավիրուսի համավարակը: Այս պայմաններում ներդնողները պատրաստ են միջոցներ հատկացնել առավել ռիսկային ակտիվներ ձեռք բերելուն, այդ թվում՝ բիթքոին:

Hayatsk.info

Հեշթեգներ: Աշխարհ    


Վերնագիրի այլ պիտակները