Նեթանյահուի հայտարարությունները ցույց են տալիս այս դավադրությունը. Ջավադ Զարիֆ

10:15   01 Դեկտեմբեր 2020    398

Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆը կրկին դատապարտել է իրանցի միջուկային ֆիզիկոս, արևմտյան հատուկ ծառայությունների կողմից իրանական միջուկային ծրագրի ղեկավար համարվող Մոհսեն Ֆախրիզադեի սպանությունը՝ դրանում մեղադրելով Ամերիկացի Միացյալ Նահանգներին, Սաուդյան Արաբիային և Իսրայելին։

Հաղորդում է իրանական «ԻՌՆԱ» լրատվական գործակալությունը։

«Պոմպեոյի անակնկալ այցերը տարածաշրջան, Սաուդյան Արաբիայում եռակողմ հանդիպումը և Նեթանյահուի հայտարարությունները ցույց են տալիս այս դավադրությունը, որը, ցավոք, ավարտվեց ուրբաթ օրը վախկոտ ահաբեկչությամբ, որը հանգեցրեց երկրի առաջատար գիտնականներից մեկի նահատակմանը»,- ասել է Իրանի ԱԳ նախարարը:

Ֆախրիզադեն սպանվել է նոյեմբերի 27-ի երեկոյան Թեհրանի մոտակայքում։ Մեքենայի պայթյունից և փամփուշտներից վնասվածքներ ստանալուց հետո գիտնականն ուղղաթիռով տեղափոխվել էր հիվանդանոց, բայց մի քանի ժամ անց ստացած վնասվածքներից մահացել էր։

Hayatsk.info

Հեշթեգներ: Նեթանյահու  


Վերնագիրի այլ պիտակները