Բայդենը հաստատել է ԱՄՆ-ն Իրանի հետ միջուկային գործարքին վերադարձնելու պատրաստակամությունը

12:55   02 Դեկտեմբեր 2020    245

Ամերիկյան առաջատար լրատվամիջոցների գնահատմամբ՝ ԱՄՆ ընտրված նախագահ դեմոկրատ Ջոզեֆ Բայդենը հաստատել է ապագա վարչակազմի պատրաստակամությունը աշխատելու Միացյալ Նահանգներին վերադարձնել իրանական միջուկային ծրագրի Համատեղ համապարփակ գործողությունների ծրագրի անդամների կազմ։

Քաղաքական գործիչը համապատասխան հայտարարությունը կատարել է The New York Times-ի հետ հարցազրույցում։

Պարբերականի լրագրողը դեմոկրատից հետաքրքրվել է՝ հանձնառո՞ւ է արդյոք նա իր դիրքորոշմանը, որ ԱՄՆ-ն պետք է վերադառնա Իրանի հետ միջուկային գործարքին, ինչի մասին նախկինում հայտարարել է քաղաքական գործիչն ինքը։ «Դա դժվար կլինի, բայց այո»,- պատասխանել է Բայդենը։ Նրա խոսքով՝ ապագա վարչակազմը մտադիր է «դաշնակիցների եւ գործընկերների հետ համագործակցությամբ մասնակցել բանակցություններին եւ մշակել լրացուցիչ համաձայնագրեր, որոնք կամրապնդեին եւ կերակարաձգեին իրանական միջուկային ծրագրի վերաբերյալ սահմանափակումների գործողությունը, ինչպես նաեւ կառնչվեին Թեհրանի հրթիռային ծրագրին»։

Ընդ որում՝ քաղաքական գործիչը շեշտել է, որ գործող համաձայնագիրը, որ կվերահսկեր Թեհրանի միջուկային մշակումները, համարում է «տարածաշրջանում կայունության ապահովման լավագույն գործիքը»։ Ըստ Բայդենի՝ հակառակ դեպքում հարկ է մտավախություն ունենալ իրավիճակի վերաբերյալ, որի դեպքում միջուկային զենքի մշակման կձգտեն Սաուդյան Արաբիան, Թուրքիան, Եգիպտոսը եւ տարածաշրջանի այլ երկրներ։

«Աշխարհի այս հատվածում միջուկային ներուժի մեծացումը վերջինն է, որը մենք ցանկանում ենք»,- ընդգծել է քաղաքական գործիչը։ Բայդենն ավելի վաղ բազմիցս հայտարարել է, որ ԱՄՆ նախագահական ընտրություններում հաղթելու դեպքում նախատեսում է Միացյալ Նահանգները վերադարձնել ՀՀԳԾ-ին անդամակցությանը։

Hayatsk.info

Հեշթեգներ: Բայդեն  


Վերնագիրի այլ պիտակները