ԱՄՆ-ում մեկ օրում կորոնավիրուսից մահացել է ռեկորդային թվով՝ ավելի քան 2700 պացիենտ

09:05   03 Դեկտեմբեր 2020    176

ԱՄՆ-ում դեկտեմբերի 2-ին գրանցվել է կորոնավիրուսից մահվան 2733 դեպք։ Սա ռեկորդային ցուցանիշ է ապրիլից ի վեր։

Այս մասին հայտնում է COVID «Tracking Project» պորտալը, որն իրականացնում է սեփական հաշվարկներ։ Դեկտեմբերի 1-ին երկրում գրանցվել էր մահվան 2474 դեպք։

ԱՄՆ-ում դիտվում է կորոնավիրուսի ուժգին բռնկում, որը դեպքերի թվով մի քանի անգամ գերազանցում է գարնանային պիկը։ Ըստ պորտալի՝ պանդեմիայի ողջ ընթացքում մահացածների թիվը գերազանցել է 272 հազարը, մինչդեռ Worldometer-ը հայտնում է 279 հազար մահվան դեպքի մասին։

Չորեքշաբթի օրվա դրությամբ՝ ԱՄՆ հիվանդանոցներում հոսպիտալացվածների թիվը գերազանցել է 100 հազարը։ Դա կրկնակի է, քան գարնանը՝ կորոնավիրուսի առաջին ալիքի ժամանակ։ Ներկայում ԱՄՆ-ում շաբաթական գրանցվում է կորոնավիրուսի մինչև 1 մլն դեպք։

Մի շարք նահանգների իշխանություններ հայտնել են, որ հիվանդանոցային ֆոնդն ամբողջությամբ կամ գրեթե ամբողջությամբ զբաղված է։

Hayatsk.info

Հեշթեգներ: ԱՄՆ  


Վերնագիրի այլ պիտակները