Աշխարհում Կորոնավիրուսի գրեթե 4 միլիոն դեպք է հայտնաբերվել անցած շաբաթվա ընթացքում

10:26   03 Դեկտեմբեր 2020    192

Աշխարհում կորոնավիրուսով վարակման նոր դեպքերի թիվն անցած շաբաթ կրկին ավելացել է գրեթե չորս միլիոնով:

Hayatsk.info-ն հայտնում է, որ այդ մասին հաղորդել է Առողջապահության համաշխարհային կազմակերպությունը (ԱՀԿ):

ԱՀԿ-ի տվյալներով՝ նոյեմբերի 29-ի դրությամբ աշխարհում գրանցվել է COVID-19-ի վարակման ավելի քան 61,8 մլն դեպք: Դրա հետ մեկտեղ աճն անցած շաբաթ փոքր-ինչ պակաս է եղել, քան մեկ շաբաթ առաջ՝ 3 մլն 935 հազար 330՝ 4 մլն 60 հազար 891-ի դիմաց: Մահացած հիվանդների թիվը համավարակի սկզբից ի վեր գերազանցել է 1,4 միլիոնը։

Անցած շաբաթվա ընթացքում մահացել է ավելի քան 69 հազար մարդ:

Կազմակերպության տվյալների համաձայն, մահվան դեպքերի առավել մեծ աճը նշվել է անցյալ շաբաթ՝ Հյուսիսային եւ Հարավային Ամերիկաներում: Սեպտեմբերից սկսած՝ COVID-19-ով վարակման դեպքերի թիվն ամեն շաբաթ գերազանցել է նախորդ շաբաթվա ցուցանիշները եւ հասել ռեկորդային չափերի:

Առողջապահության համաշխարհային կազմակերպությունը մարտի 11-ին COVID-19 նոր կորոնավիրուսային ինֆեկցիայի բռնկումը հայտարարել է համավակակ:

Hayatsk.info

Հեշթեգներ: Աշխարհ  


Վերնագիրի այլ պիտակները