Բայդենը խոստացել է միլիարդավոր դոլարներ ուղղել կորոնավիրուսի դեմ պայքարին

09:45   03 Դեկտեմբեր 2020    188

Պանդեմիայի հետևանքների դեմ պայքարի միջոցառումների փաթեթ կներկայացվի նոր գումարման Կոնգրես, և միլիարդավոր դոլարներ կուղղվեն կորոնավիրուսի դեմ պայքարին։

Hayatsk.info-ն հայտնում է, որ այս մասին հայտարարել է ԱՄՆ նորընտիր նախագահ, դեմոկրատ Ջոզեֆ Բայդենը պանդեմիայի տնտեսական հետևանքների վերացման հարցերով տեսակոնֆերանսի ժամանակ:

Բայդենի խոսքով՝ իր անցումային թիմն արդեն աշխատում է ճգնաժամային իրավիճակների հաղթահարմանն ուղղված առաջարկների վրա, որոնք պետք է ուղարկվեն Կոնգրես։

Բայդենը հայտարարել է նաև, որ դեկտեմբերին կորոնավիրուսից կարող է ևս 250 հազար քաղաքացի մահանալ։
Ջոն Հոփկինսի համալսարանի տվյալներով՝ ԱՄՆ-ում մինչ օրս կորոնավիրուսով վարակվածների թիվը գերազանցում է 13․86 միլիոնը, մահացել է ավելի քան 272․5 հազար մարդ։ Երկու ցուցանիշով էլ երկիրն աշխարհում առաջատարն է։

Hayatsk.info

Հեշթեգներ: Բայդեն  


Վերնագիրի այլ պիտակները