Ադրբեջանի պաշտպանության նախարարությունը ցավակցություն է հայտնել իրանական կողմին

19:13   02 Դեկտեմբեր 2020    308

Ադրբեջանի պաշտպանության փոխնախարար, գեներալ-լեյտենանտ Քերիմ Վելիևը դեկտեմբերի 2-ին այցելել է Ադրբեջանում Իրանի դեսպանատուն:

Ինչպես տեղեկացնում է Hayatsk.info-ն՝ վկայակոչելով պաշտպանության նախարարությանը, Ադրբեջանի պաշտպանության փոխնախարարը Իրանի դեսպանատանը գրառում է արել սգի մատյանում, որը բացվել է Իրանի պաշտպանության նախարարությանն առընթեր հետազոտությունների և նորարարությունների կազմակերպության ղեկավար Մոհսեն Ֆախրիզադեի սպանության կապակցությամբ:

Փոխնախարարը Ադրբեջանի պաշտպանության նախարարության անունից ցավակցություն է հայտնել Իրանի Իսլամական Հանրապետության Զինված ուժերի Գլխավոր շտաբի պետ, գեներալ-լեյտենանտ Մոհամմադ Հոսեյն Բաղերիին, Իրանի Իսլամական Հանրապետության պաշտպանության և Զինված ուժերի աջակցման նախարար, գեներալ-մայոր Ամիր Հաթեմիին:



Hayatsk.info

Հեշթեգներ: Ադրբեջան  


Վերնագիրի այլ պիտակները