«Պաշտոնապես հայտարարում եմ՝ պատրաստ եմ ղեկավարել Բելառուսն անցումային շրջանում». Տիխանովսկայա

17:04   03 Դեկտեմբեր 2020    208

Բելառուսի ընդդիմության առաջնորդ, Բելառուսի նախագահի նախկին թեկնածու Սվետլանա Տիխանովսկայան, որը նախկինում վստահեցնում էր, որ իրեն չի ներկայացնում որպես հանրապետության ապագա նախագահ, պատրաստակամություն է հայտնել երկիրը ղեկավարել անցումային շրջանում` նոր նախագահական ընտրություններից առաջ և նշել, որ իր թիմը մշակել է սահմանադրական բարեփոխումների նախագիծ:

Hayatsk.info-ն հայտնում է, որ այս մասին գրում է «ՌԻԱ Նովոստի» գործակալությունը:

«Ես պաշտոնապես հայտարարում եմ, որ պատրաստ եմ ղեկավարել երկիրն անցումային շրջանում»,-ասել է Տիխանովսկայան հինգշաբթի օրը մամուլի գրասենյակի հրապարակած տեսաուղերձում:

Քաղաքական գործիչը նշել է, որ իր նպատակն է միավորել լավագույն փորձագետներին և ժողովրդավարական ուժերին, որպեսզի «Բելառուսը նվազագույն ցնցումներով մոտենա նոր ընտրություններին»:

«Մենք արդեն մշակել ենք նոր ընտրությունների հայեցակարգ, սահմանադրական բարեփոխումների նախագիծ, որն իրականացվելու է Լուկաշենկոյի հեռանալուց հետո»,-ասել է Տիխանովսկայան:

Օգոստոսի 9-ին Բելառուսում կայացած նախագահական ընտրություններից հետո, որում վեցերորդ անգամ հաղթել է Ալեքսանդր Լուկաշենկոն, որը, ըստ ԿԸՀ-ի, հավաքել է ձայների 80,1%-ը, երկրում սկսվել են ընդդիմության զանգվածային բողոքի ակցիաներ: Ընդդիմությունը կարծում է, որ Տիխանովսկայան հաղթել է, և պահանջում է բանակցություններ վարել իշխանության փոխանցման և նոր ընտրությունների շուրջ: Նախկին թեկնածուն ընտրություններից անմիջապես հետո մեկնել է Լիտվա: Բելառուսի գլխավոր դատախազությունը քրեական հոդվածով գործ է հարուցել՝ իշխանությունը զավթելու կոչերի մասով, Տիխանովսկայան դրա շրջանակներում գլխավոր մեղադրյալն է, նա Բելառուսում և Ռուսաստանում միջպետական հետախուզման մեջ է գտնվում:

Hayatsk.info

Հեշթեգներ: Տիխանովսկայա   Բելառուս  


Վերնագիրի այլ պիտակները