Կորոնավիրուսից մահացածների թիվն աշխարհում գերազանցել է 1.5 մլն-ը

20:44   03 Դեկտեմբեր 2020    222

«Քովիդ-19» կորոնավիրուսի հետևանքով ողջ աշխարհում համավարակի սկզբից ի վեր մահացել է 1 502 775 մարդ: Այս մասին վկայում են worldometers.info կայքի՝ իրական ժամանակում թարմացվող տվյալները:

Կորոնավիրուսով վարակման ցուցանիշը ողջ աշխարհում դեկտեմբերի 3-ի տվյալներով հասել է 65 023 818-ի: Վարակման ամենից շատ դեպքեր են գրանցվել ԱՄՆ-ում (ավելի քան 14 մլն), Հնդկաստանում (ավելի քան 9.5 մլն), Բրազիլիայում (մոտ 6.5 մլն), Ռուսաստանում (ավելի քան 2.3 մլն), Ֆրանսիայում (ավելի քան 2.2 մլն), տեղեկացնում է Hayatsk.info-ն:

Կորոնավիրուսի համավարակ Առողջապահության համաշխարհային կազմակերպությունը հայտարարել էր մարտի 11-ին:

Դեկտեմբերի 3-ի դրությամբ Հայաստանում հաստատվել է կորոնավիրուսով վարակվելու 1277, մահվան՝ 37 նոր դեպք․ վարակվածների ընդհանուր թիվը 138 508 է, մահվան դեպքերինը՝ 2832։

Hayatsk.info

Հեշթեգներ: Աշխարհ    


Վերնագիրի այլ պիտակները

hayatsk.info ©2016 | Բոլոր իրավունքները պաշտպանված են