ԱՄՆ-ի ռմբակոծիչն արտակարգ վայրէջք է կատարել Մեծ Բրիտանիայի ավիաբազայում

15:07   04 Դեկտեմբեր 2020    163

ԱՄՆ-ի ռազմաօդային ուժերի B-52 ռազմավարական ռմբակոծիչն արտակարգ վայրէջք է կատարել Գլոսթերշիրի անգլիական կոմսության Fairford ավիաբազայում այն բանից հետո, երբ թռիչքի ժամանակ նրա մոտ խափանվել է շարժիչներից մեկը:

Hayatsk.info-ն հայտնում է, որ այդ մասին հաղորդել է «Gloucestershire Echo» տեղական թերթը:

Միջադեպը տեղի է ունեցել դեկտեմբերի 3-ի երեկոյան: Ինքնաթիռը, որն առաքելություն էր իրականացնում Միջերկրական ծովի շրջանում, արտակարգ պատահարի մասին հաղորդագրություն է ուղարկել տեղական ժամանակով մոտավորապես 15-ին (Երեւանի ժամանակով 18-ին): Ըստ հրատարակության տվյալների, բռնկման պատճառով անջատվել է7 ռմբակոծիչի ութ շարժիչներից մեկը: Մոտավորապես երկու ժամ անց, մի քանի պտույտ կատարելով Գլոսթերշիրի եւ Վուսթերշիրի կոմսությունների երկնքում, ինքնաթիռը բարեհաջող վայրէջք է կատարել յոթ շարժիչներով:

Ինչպես նշում է հրատարակությունը, նմանօրինակ միջադեպ Մեծ Բրիտանիայում տեղի է ունեցել սեպտեմբեր ամսին: Այն ժամանակ ամերիկյան B-52 ռմբակոծիչը Fairford ավիաբազա է վերադարձել այն բանից հետո, երբ ինքնաթիռում տեղի է ունեցել արտակարգ պատահար, որի պատճառը չի հայտնվել:

Hayatsk.info

Հեշթեգներ: ԱՄՆ  


Վերնագիրի այլ պիտակները

hayatsk.info ©2016 | Բոլոր իրավունքները պաշտպանված են