Կիպրոսը 2021թ. COVID-19-ի դեմ պատվաստում ստացած զբոսաշրջիկներին կսկսի ընդունել առանց թեստի

20:02   04 Դեկտեմբեր 2020    224

Կիպրոսի իշխանությունները COVID-19 կորոնավիրուսի դեմ պատվաստում ստացած զբոսաշրջիկներին թույլ կտան երկիր այցելել առանց վարակի առկայության թեստավորում անցնելու:

Այդ մասին, ինչպես տեղեկացնում Է «Արմենպրես»-ը, հաղորդել Է Cyprus Mail հրատարակությունը՝ վկայակոչելով նախարարների կաբինետի հայտարարությունը, տեղեկացնում է Hayatsk.info-ն:

«Տրանսպորտի նախարար Յանիս Կարուսոսի ներկայացրած ծրագրի համաձայն, որն ուժի մեջ կմտնի 2021 թվականի մարտի 1-ին, մարդիկ, որոնք COVID-19-ի դեմ պատվաստում են ստացել, պարտավոր չեն լինի ժամանելուց հետո փաստաթուղթ ներկայացնել կորոնավիրուսի թեստի բացասական արդյունքի վերաբերյալ»,-ասվում Է փաստաթղթում:

Ինչպես իր հերթին նշում Է The Guardian բրիտանական հրատարակությունը, այդ միջոցառումը ներառված Է երկրի ավիահաղորդակցությունների վերսկսման վերաբերյալ փոփոխված ծրագրում:

The Guardian-ն ընդգծում Է, որ Կիպրոսի կառավարության այս միջոցառումն այն բանի ապացույցն Է, որ կյանքը շատ ավելի պարզ կդառնա այն մարդկանց համար, ովքեր որոշել են COVID-19-ի դեմ պատվաստում ստանալ, չնայած իշխանությունների և փորձագետների այն հավաստիացումներին, թե պատվաստումը պարտադիր չի լինի:

Hayatsk.info

Հեշթեգներ: Աշխարհ    


Վերնագիրի այլ պիտակները