Չինացի վիրուսոլոգը նախագուշացրել է․ հնարավոր է կորոնավիրուսային ինֆեկցիայի նոր տեսակներ տարածվեն

12:37   05 Դեկտեմբեր 2020    196

Չինաստանի Ուհան քաղաքում գործող վիրուսոլոգ Շի Չժենլին հայտարարել է, որ հնարավոր է կորոնավիրուսային ինֆեկցիայի նոր տեսակներ սկսեն տարածվել։

Hayatsk.info-ն հայտնում է, որ այս մասին հայտնում է «Guardian» պարբերականը։ Նա մանրամասնել է, որ Չինաստանի հարավում եւ հարավ-արեւելքում չղջիկները հանդիսանում են կորոնավիրուսի այլ տեսակների փոխանցիչներ եւ կարող են դրանք փոխանցել նաեւ մարդկանց։ Մասնագետը ենթադրել է, որ այդ տեսակները կարող են տարածվել նաեւ Չինաստանի սահմաններից դուրս։

Չժենլին նաեւ առաջ է քաշել մի վարկած, ըստ որի, COVID-19-ը, նախքան չղջիկներից մարդկանց փոխանցվելը հնարավոր է, որ փոխանցված լինի միջանկյալ կենդանու, ինչպես օրինակ պանգոլինի։ Ընդ որում, հայտնի չէ, թե վիրուսը նախքան մարդկանց փոխանցվելը որքան ժամանակ է շրջանառվել կենդանիների մեջ։

Չժենլիի հետ համամիտ է Սիդնեյի համալսարանի պրոֆեսոր Էդվարդ Հոլմսը,ով կարծում է, որ կորոնավիրուսային վարակի բացիլը կարող էր միջանկյալ փոխանցիչ կենդանու մեջ գտնվել երկար ժամանակ։ Նա նաեւ ասել է, որ առաջին անգամ մարդու վարակման դեպքը SARS-CoV-2-ով կարող էր տեղի ունենալ Ուհան քաղաքից, կամ Հուբեյ նահանգից դուրս։

Hayatsk.info

Հեշթեգներ: Չինաստան  


Վերնագիրի այլ պիտակները