Գերմանացի գործարարները մերժում են ԱՄՆ պատժամիջոցները «Հյուսիսային հոսք 2»-ի դեմ

19:49   05 Դեկտեմբեր 2020    212

Գերմանական տնտեսության Արեւելյան կոմիտեն քննադատել է ԱՄՆ Կոնգրեսի մտադրությունը` խստացնել պատժամիջոցները «Հյուսիսային հոսք 2» գազատարի շինարարության մասնակիցների դեմ` PEESCA պատժամիջոցային օրենքում լրացումներ կատարելու միջոցով:

«Մենք ոչ մի իրավական հիմք չենք տեսնում ԵՄ ինքնիշխանությունը խախտող եւ եվրոպական ձեռնարկությունները թիրախավորող ԱՄՆ պատժամիջոցների մասին օրենքի համար»,- ասված է կազմակերպության հայտարարության մեջ, որը լոբբիստական ​​գործունեություն է ծավալում Ռուսաստանում եւ Արևելյան Եվրոպայում գործող գերմանական ընկերությունների շահերի համար, տեղեկացնում է Hayatsk.info-ն:

«Զուտ եվրոպական նախագծերը, ինչպիսին է« Հյուսիսային հոսք 2»-ը, պետք է կարգավորվեն ոչ թե ամերիկյան գերատեսչությունների, այլ բացառապես նախագծերին մասնակցող եվրոպական երկրների եւ Եվրամիության կողմից: Մենք առավել եւս մերժում ենք պատժամիջոցների ռեժիմի պլանավորված ընդլայնումը, օրինակ` սերտիֆիկացման կամ այլ ծառայություններ մատուցող ընկերությունների նկատմամբ»,- ընդգծել է Արեւելյան կոմիտեի ղեկավար Օլիվեր Հերմեսը: Միեւնույն ժամանակ, նա գոհունակությամբ նշել է Միացյալ Նահանգների` եվրոպացիների փաստարկները հաշվի առնելու աճող պատրաստակամությունը:

Hayatsk.info

Հեշթեգներ: Աշխարհ    


Վերնագիրի այլ պիտակները