Վրաստանի իշխող կուսակցությունը կգլխավորի Իրակլի Կոբախիձեն

12:59   12 Հունվար 2021    202

Վրաստանի իշխող՝ «Վրացական երազանք, ժողովրդավար Վրաստան» կուսակցությունը կգլխավորի գործադիր քարտուղար Իրակլի Կոբախիձեն: Նրա թեկնածությունը հաստատվելու է հունվարի 16-ին կայանալիք համագումարի ժամանակ:

Կուսակցության ղեկավարի պաշտոնը թափուր էր մնացել հունվարի 11-ից, երբ արդեն նախկին ղեկավար Բիձինա Իվանիշվիլին հայտարարեց քաղաքականությունից հեռանալու մասին:

«Բիձինա Իվանիշվիլիի քաղաքականությունից հեռանալը, իհարկե, մարտահրավեր է մեր կուսակցության համար: Ներկայում մեզ վրա մեծ պարտականություն կա. միասին մինչև վերջ հասցնել Բիձինա Իվանիշվիլիի սկսած գործը, և իհարկե, Վրաստանը վերջնականապես կազմավորել որպես եվրոպական պետություն, ամրապնդել ժողովրդավարությունը և մարդու իրավունքները, բարձրացնել մեր քաղաքացիների բարեկեցությունը և հաղթահարել աղքատությունը»,-կուսակցության քաղբյուրոյի նիստի ժամանակ հայտարարել է գլխավոր քարտուղար Կախա Կալաձեն:

Hayatsk.info

Հեշթեգներ: Վրաստան  


Վերնագիրի այլ պիտակները