Թրամփը հայտարարել է, որ 25-րդ ուղղումն իր համար «զրոյական ռիսկ» է պարունակում

08:59   13 Հունվար 2021    210

ԱՄՆ նախագահ Դոնալդ Թրամփը հայտարարել է, որ 25-րդ ուղղումն իր համար «զրոյական ռիսկ» է պարունակում: Ընդ որում, նա ենթադրել է, որ այն կարող է կիրառվել նորընտիր նախագահ Ջո Բայդենի հանդեպ, հայտնում է The Hill-ը:

«Խոսքի ազատությունը հարձակման է ենթարկվում, ինչպես երբեք: 25-րդ ուղղումն ինձ համար որեւէ վտանգ չի ներկայացնում, բայց այն կվերադառնա Ջո Բայդենին եւ կհետապնդի նրան ու նրա վարչակազմին: Ինչպես ասում են, զգույշ եղեք՝ ձեր ցանկությունների հետ կապված»,- ասել է Թրամփը ասուլիսում, տեղեկացնում է Hayatsk.info-ն:

«Իմպիչմենթի կեղծումը մեր երկրի պատմության մեջ ամենամեծ եւ ամենաարսափելի վհուկների որսի շարունակությունն է եւ սարսափելի զայրույթ, պառակտում ու ցավ է առաջացնում, ինչը շատ վտանգավոր է Միացյալ Նահանգների համար, հատկապես այս շատ զգայուն պահին»,- շարունակել է Թրամփը:

Նա նշել է, որ ազգին պետք է «բուժել», եւ դատապարտել է իրավապահ մարմինների վրա հարձակումները:

Hayatsk.info

Հեշթեգներ: Թրամփ  


Վերնագիրի այլ պիտակները