ԱՄՆ փոխնախագահ Փենսը դեմ է հանդես եկել Թրամփի հեռացմանը

10:14   13 Հունվար 2021    218

ԱՄՆ փոխնախագահ Մայք Փենսը հայտարարել է, որ դեմ է գործող նախագահ Դոնալդ Թրամփին ԱՄՆ սահմանադրության 25-րդ ուղղման հիման վրա հեռացնելուն՝ պարտականությունները կատարելու անընդունակության պատճառով։

Նա նման դիրքորոշում է արտահայտել Ներկայացուցիչների պալատի խոսնակ Նենսի Փելոսիին ուղղված նամակում, տեղեկացնում է Hayatsk.info-ն:

Փենսի խոսքով՝ նման գործողությունները չեն համապատասխանում ո՛չ երկրի շահերին, ո՛չ էլ Սահմանադրությանը։ Նա նաև հիշեցրել է, որ Թրամփի նախագահական ժամկետին 7 օր է մնացել։

«Համաձայն Սահմանադրության՝ 25-րդ ուղղումը չի հանդիսանում պատժի և ուզուրպացիայի միջոց, այդ կերպ 25-րդ ուղղման գործարկումը կստեղծի սարսափելի նախադեպ»,-նշել է փոխնախագահը։

Նա կոչ է արել Կոնգրեսին խուսափել գործողություններից, որոնք կարող են էլ ավելի պառակտել հասարակությունն ու հանգեցնել առճակատման սրացման։

Hayatsk.info

Հեշթեգներ: ԱՄՆ   Փենս  


Վերնագիրի այլ պիտակները