Ադրբեջանում ստեղծվել է Լրատվամիջոցների զարգացման գործակալություն

19:00   12 Հունվար 2021    155

Երեքշաբթի օրը Ադրբեջանի նախագահ Իլհամ Ալիևը հրամանագիր է ստորագրել՝ նախագահին առընթեր ԶԼՄ-ների զարգացման պետական աջակցության հիմնադրամի բազայի վրա Ադրբեջանի ԶԼՄ-ների զարգացման գործակալություն ստեղծելու մասին:

Ըստ հրամանագրի՝ Գործակալությունը հանդիսանում է՝ նախագահին առընթեր ԶԼՄ-ների զարգացման պետական աջակցության հիմնադրամի իրավահաջորդը, որի իրավունքներն ու պարտականությունները, ինչպես նաև գույքը փոխանցվում են Գործակալությանը:

Գործակալության կանոնադրական ֆոնդը որոշվում է 285,405 հազար մանաթի չափով և կազմավորվում է պետական բյուջեի միջոցների հաշվին, հայտնում է Hayatsk.info-ն:

Միևնույն ժամանակ, Գործակալության գործունեության ընդհանուր կառավարումն ու վերահսկողությունն իրականացնում է Դիտորդ խորհուրդը, որը բաղկացած է նախագահից և 6 անդամներից, որոնք նշանակվում և ազատվում են Ադրբեջանի նախագահի կողմից:

Hayatsk.info

Հեշթեգներ: Ադրբեջան  


Վերնագիրի այլ պիտակները