ԱՄՆ-ի կոնգրեսականները փոխնախագահին կոչ են արել Թրամփին հեռացնել իշխանությունից

11:09   13 Հունվար 2021    229

ԱՄՆ-ի Կոնգրեսի Ներկայացուցիչների պալատը հունվարի 12-ին պաշտպանել է Միացյալ Նահանգների ղեկավարին իշխանությունից հեռացնելու՝ փոխնախագահ Մայքլ Փենսին ուղղված կոչով բանաձևը՝ օգտվելով Սահմանադրության 25-րդ ուղղումից: Նիստը հեռարձակվել է ԱՄՆ-ի օրենսդիր մարմնի ստորին պալատի կայքում։

Նախաձեռնությունը պաշտպանել է 223 կոնգրեսական (նրանց թվում է սոսկ մեկ հանրապետական), դեմ է արտահայտվել 205 հանրապետական:

Օրենսդիր մարմնի ստորին պալատի խոսնակ Նենսի Փելոսին (դեմոկրատ Կալիֆոռնիայի նահանգից) բազմիցս Փենսին կոչ է արել արձագանքելու այդ բանաձևին հավանություն տալուց հետո 24 ժամվա ընթացքում:

Ներկայացուցիչների պալատի և Սենատի բանաձևերը, որոնք ընդունվում են Կոնգրեսի յուրաքանչյուր պալատում առանձին, իրավաբանական ուժ չունեն և հանձնարարական բնույթ են կրում: Այս կերպ օրենսդիրներն արտահայտում են իրենց դիրքորուշմն այս կամ այլ հարցի շուրջը, իսկ իշխանության գործադիր ճյուղն իրավունք ունի անտեսելու նման կարգի փաստաթղթերը:

Hayatsk.info

Հեշթեգներ: ԱՄՆ  


Վերնագիրի այլ պիտակները