Կապիտոլիում ներխուժած անձանցից մի քանիսին կարող է սպառնալ մինչև 20 տարվա ազատազրկում

13:25   13 Հունվար 2021    210

ԱՄՆ դաշնային դատախազի պաշտոնակատար Մայքլ Շերվինը հայտնել է, որ Կապիտոլիում ներխուժման համար որոշ դեպքերում կարող է սահմանվի մինչև 20 տարվա ազատազրկում:

«Մեղադրանքների մի մասը գտնվում է ծանր հոդվածների տակ, որոնց դեպքում պատիժը մինչև 20 տարի ազատազրկումն է», - ասել է դաշնային դատախազի ժամանակավոր պաշտոնակատարը, տեղեկացնում է Hayatsk.info-ն:

Շերվինը նշել է, որ Հետաքննությունների դաշնային բյուրոն և դատախազությունը աշխատում են ամբողջ երկրում՝ փնտրելով ծանր հանցագործություններ կատարած անձանց, որոնց միջև կարող է նաև գաղտնի համաձայնություն լինել:

«Իրավապահները կենտրոնացած են նաև զենքի կիրառման հետ կապված գործերի ուղղությամբ: Շերվինը խոստացել է, որ պայթուցիկներ տեղադրած անձինք հայտնաբերվելու են:

«Եթե դուք մուտք եք գործել Կապիտոլիումի տարածք, կամ տեղադրել եք պայթուցիկ սարք, ձեզ հայտնաբերելու են», - ասել է նա:

Շերվինը նշել է, որ արդեն իսկ եղել են դատական լսումներ հարձակման մասնակիցների դեմ գործերով:

«Սա միայն սկիզբն է», - խոստացել է նա:

Hayatsk.info

Հեշթեգներ: Աշխարհ    


Վերնագիրի այլ պիտակները