Կիմ Չեն Ընն ԱՄՆ-ն անվանել է «սկզբունքային թշնամի» և հայտարարել, որ ԿԺԴՀ-ն կամրապնդի իր միջուկային ներուժը

13:34   13 Հունվար 2021    245

Կորեայի Ժողովրդա-Դեմոկրատական Հանրապետությունը (ԿԺԴՀ) կշարունակի ամրապնդել իր միջուկային ներուժը և զարգացնել պաշտպանունակությունը։

Այս մասին նախօրեին Փհենյանում Կորեայի աշխատանքային կուսակցության 8-րդ համագումարի փակման եզրափակիչ ելույթում հայտարարել է երկրի առաջնորդ Կիմ Չեն Ընը, տեղեկացնում է Hayatsk.info-ն։

«Շարունակելով ամրապնդել մեր միջուկային զսպման ուժերը՝ մենք պետք է ամեն ինչ անենք հզորագույն զինված ուժեր ստեղծելու համար։ Անհրաժեշտ է պատրաստ լինել ցանկացած սպառնալիքի դիմակայության»,- ընդգծել է Կիմ Չեն Ընը։

Նա նշել է, որ ԱՄՆ-ն Հյուսիսային Կորեայի «սկզբունքային թշնամին» է:

Նա նաև կոչ է արել «մոլեգին պայքար» մղել երկրի տնտեսական զարգացման հնգամյա պլանի իրականացման համար, որն ընդունվել է համագումարի ընթացքում:

Hayatsk.info

Հեշթեգներ: Աշխարհ    


Վերնագիրի այլ պիտակները