«Թրամփի նախագահության անպատիվ վերջաբանը Իրանի նկատմամբ առավելագույն ճնշման քաղաքականության հետևանքն է»․ Ռոհանի

15:06   13 Հունվար 2021    205

Իրանի նախագահ Հասան Ռոհանին կառավարության նիստում ԱՄՆ նախագահ Դոնալդ Թրամփի նախագահության ավարտը համեմատել է Իրանի Ռեզա շահ Փահլավի ռեժիմի տապալման հետ, գրում է «Iran Press»-ը։

«Թրամփի պաշտոնավարումը, որն ավարտվեց խայտառակությամբ ու անպատվությամբ, ցույց է տալիս, որ ծաղրը, ռասիզմն ու անօրինականությունը երջանիկ ավարտ չեն կարող ունենալ»,- հայտարարել է նա։

Ռոհանիի խոսքով՝ «Թրամփի վերջաբանը նման է Ռեզա շահ Փահլավիի ռեժիմի տապալմանը»։

«Այս վարձկանի փախուստը դարձել է Իրանում բռնապետության և օտարերկրյա գաղութացման սկանդալի ավարտի խորհրդանիշը, և այսօր մենք ականատես ենք լինում Միացյալ Նահանգներում ևս մեկ բռնապետի անկմանը»,- հավելել է նա։

Իրանի նախագահը նշել է, որ Թրամփի նախագահության նման վերջաբանը «Իրանի՝ մեծ ազգի նկատմամբ առավելագույն ճնշման քաղաքականության հետևանքն է»։

Hayatsk.info

Հեշթեգներ: Ռոհանի  


Վերնագիրի այլ պիտակները