Կիևը վստահ է, որ Բայդենի վարչակազմի հետ ընդհանուր լեզու կգտնի

15:39   13 Հունվար 2021    164

Ուկրաինայի արտաքին գործերի նախարար Դմիտրի Կուլեբան այն կարծիքին է, որ Կիևն ընդհանուր լեզու կգտնի ԱՄՆ նոր վարչակազմի հետ, և որ «հիանալի կապ կհաստատվի» Ուկրաինայի նախագահ Վլադիմիր Զելենսկիի և ԱՄՆ նորընտիր նախագահ Ջո Բայդենի միջև:

«Համոզված եմ, որ մենք ընդհանուր լեզու կգտնենք նոր վարչակազմի հետ, որը շատ լավ հասկանում է Ուկրաինային: Համոզված եմ, որ երբ նախագահ Զելենսկին և նախագահ Բայդենը խոսեն և հանդիպեն, նրանց միջև հիանալի կապ կհաստատվի», - ասել է Կուլեբան Observer ինտերնետային հրատարակությանը տված հարցազրույցում:

Նրա խոսքով, ԱԳՆ-ն աշխատանքներ է տանում այս տարի նման հանդիպում անցկացնելու ուղղությամբ:

«Մենք աշխատում ենք ապահովել, որ նրանք հնարավորինս շուտ խոսեն և հանդիպեն: Հենց այդպիսի զրույցների ընթացքում կարելի է ձեռք բերել ռազմավարական համաձայնագրեր և փոխըմբռնում», - հավելել է Ուկրաինայի ԱԳՆ ղեկավարը:

Hayatsk.info

Հեշթեգներ: Կիև   Բայդեն  


Վերնագիրի այլ պիտակները