Մշակույթի նախարար. Ադրբեջանը Հայաստանի դեմ հայց կներկայացնի միջազգային դատարանում

16:01   13 Հունվար 2021    611

Ադրբեջանը մտադիր է Հայաստանից փոխհատուցում ստանալ Ղարաբաղում պատմամշակութային և կրոնական հուշարձանների ոչնչացման համար, հայտարարել է մշակույթի նախարար Անար Քերիմովը:

«Մենք միջազգային կազմակերպություններին հրավիրում ենք մեր ազատագրված հողեր: Մենք ուզում ենք, որ ողջ աշխարհը տեսնի հայերի գազանությունները: Պետք է փաստագրել հայերի իրագործած բոլոր հանցագործությունները, փորձագետները պետք է այցելեն և գրանցեն բոլոր ավերված շինությունները, որպեսզի մենք հետագայում կարողանանք այդ փաստերը ներկայացնել միջազգային դատարան: Պետք է Հայաստանին պատասխանատվության ենթարկել, որպեսզի նա փոխհատուցում վճարի», - ասել է նախարարը, տեղեկացնում է Hayatsk.info-ն:

Նրա խոսքով, Ղարաբաղի մշակութային և պատմական օբյեկտների ցուցակագրումից հետո կմշակվի դրանց կոնսերվացման և վերականգնման ճանապարհային քարտեզը:

«Այս աշխատանքում մենք ինչպես տեղական, այնպես էլ արտասահմանյան մասնագետների կարիքն ունենք: Մենք ծրագրում ենք սկսել Շուշա քաղաքից՝ Ադրբեջանի մշակութային մայրաքաղաքից: Իհարկե, վերականգնվելու են Աղդամի, Ֆիզուլիի և այլ ազատագրված շրջանների պատմամշակութային հուշարձանները», - ասել է Քերիմովը:

Hayatsk.info

Հեշթեգներ: Ադրբեջան  


Վերնագիրի այլ պիտակները