Իլհամ Ալիև. Ադրբեջանը սկսել է հաշվարկել Հայաստանի կողմից պատճառված վնասի չափը

14:46   13 Հունվար 2021    379

Լեռնային Ղարաբաղի հակամարտության կարգավորման բանակցություններում Հայաստանը միայն մեկ նպատակ էր հետապնդում. բանակցությունները դարձնել մի անվերջ գործընթաց, հայտարարել է Ադրբեջանի նախագահ Իլհամ Ալիևը:

«Կարելի է ասել, որ 30 տարի շարունակված բանակցությունները որևէ արդյունք չտվեցին: Կային բանակցություններ, այցեր, հայտարարություններ, բայց չկար արդյունք: Իսկ դա ագրեսորին (Հայաստանին) թույլ էր տալիս փորձել փոխել օկուպացված տարածքների (Լեռնային Ղարաբաղի և հարակից 7 շրջանների) պատմական, մշակութային և կրոնական ծագումը:

Բանակցություններում Հայաստանը միայն մեկ նպատակ էր հետապնդում. բանակցությունները դարձնել մի անվերջ և անօգուտ գործընթաց», - ասել է նախագահ Իլհամ Ալիևը՝ Բաքվում ընդունելով Իսլամական կրթության, գիտության և մշակույթի կազմակերպության (ISESCO) ղեկավար Սալիմ բին Մուհամմեդ ալ-Մալիքիին, տեղեկացնում է Hayatsk.info-ն՝ վկայակոչելով «Ինտերֆաքս Ադրբեջանին»:

Իլհամ Ալիևը հայտնել է, որ արդեն սկսվել է Հայաստանի կողմից պատճառված վնասի գնահատման գործընթացը:

Hayatsk.info

Հեշթեգներ: Իլհամ-Ալիև   ISESCO  


Վերնագիրի այլ պիտակները