«Forbes»-ը սպառնացել է այն ընկերություններին, որոնք աշխատանք կտրամադրեն Թրամփի վարչակազմի աշխատակիցներին

17:19   13 Հունվար 2021    236

«Forbes»-ի ամերիկյան հրատարակության գլխավոր խմբագիր Ռենդալ Լեյնը հայտարարել է, որ ընկերությունները չպետք է աշխատանք տրամադրեն ԱՄՆ գործող նախագահ Դոնալդ Թրամփի վարչակազմի աշխատակիցներին:

«Թող գործարար աշխարհը դա իմանա. աշխատանք տրամադրեք… Թրամփի հեքիաթասացներից որևէ մեկին, և «Forbes»-ը կհամարի, որ այն, ինչի մասին հայտարարում է ձեր ընկերությունը… սուտ է»,- գրել է Լեյնը ամսագրում հրապարակված հոդվածում:

«Սա ոչնչացման վտանգավոր մշակույթ է, որի նպատակն է արգելել ցանկացած ամերիկացու, որը համարձակություն է ունեցել աջակցել նախագահ Թրամփին կամ աշխատել նրա վարչակազմում, անել այնպիսի պարզ մի բան, ինչպիսին նոր աշխատանք ունենալն է»,- Լեյնի խոսքերը մեկնաբանել է Կանանց անկախ ֆորումի վերլուծաբան Քելսի Բոլարը:

Նա նշել է, որ սա «շատ վտանգավոր և տագնապալի միտում է, և այն չի միավորի երկիրը»:

Hayatsk.info

Հեշթեգներ: Forbes  


Վերնագիրի այլ պիտակները