Հայտնի է՝ ով կփոխարինի Օմանի սուլթանին

19:21   13 Հունվար 2021    244

Օմանի սուլթանին կփոխարինի նրա ավագ որդին՝ Դի Յազանը, համաձայն նոր հիմնական օրենքի, որով սահմանվում է թագաժառանգության և իրավահաջորդության նոր կանոններ՝ միապետից ավագ որդուն:

Այս մասին հայտնում է Reuters-ը:

Հիշեցնենք՝ սուլթան Հայթհամ բին Թարիք ալ-Սայիդը նախօրեին՝ իր նախորդ Սուլթան Քաբոսի մահից մեկ տարի անց, հայտարարություն է տարածել սահմանադրական փոփոխությունների ծրագրերի մասին:

Նշենք՝ սուլթան Քաբոսը զավակ չուներ և իր 49-ամյա գահակալության ընթացքում հրապարակավ չի հայտարարել իր իրավահաջորդի մասին, տեղեկացնում է Hayatsk.info-ն:

Սուլթան Հայթհամը վերափոխել է իր կառավարությունը և պետական կառույցները՝ այսպիսով ձեռնամուխ լինելով երկար սպասված ֆինանսական բարեփոխումների: Նրա հրամանով նշանակվել են ֆինանսների և արտաքին գործերի նախարարներ, ինչպես նաև կենտրոնական բանկի նախագահ՝ պորտֆելներ, որոնք պատկանում էին հանգուցյալ սուլթանին:

Նրա որդին՝ 30-ամյա Դի Յազան բեն Հայթհամը նշանակվել էր մշակույթի, սպորտի և երիտասարդության նախարար, որը ամենաերիտասարդ նախարարն էր Օմանում: Բացի այդ, նա նախկինում աշխատել է արտաքին գործերի նախարարությունում:

Նոր հիմնական օրենքով նախատեսվում է արտաքին քաղաքականություն, որը հիմնված է բոլոր պետությունների հետ բարեկամական հարաբերությունների վրա: Միևնույն ժամանակ պահպանվում է Շուրայի խորհրդատվական խորհուրդը՝ խորհրդարանի ստորին պալատը:

Hayatsk.info

Հեշթեգներ: Օման  


Վերնագիրի այլ պիտակները