Ռուսաստանում կորոնավիրուսը 1 ժամում հայտնաբերող թեստային համակարգ է ստեղծվել

09:27   16 Հունվար 2021    169

Ռուսաստանում մշակվել է թեստային համակարգ, որի շնորհիվ կորոնավիրուսի թեստի արդյունքները հասանելի կլինեն դրա անցկացումից 1-1,5 ժամ հետո:

Hayatsk.info-ն հայտնում է, որ այս մասին հունվարի 15-ին հայտարարել է Ռոսպոտրեբնադզորի համաճարակաբանության կենտրոնական հետազոտական ինստիտուտի տնօրեն Վասիլի Ակիմկինը, գրում է «Իզվեստիան»:

«Մեր մասնագետները, այլ ինստիտուտների մասնագետների հետ միասին, գործնականում մշակել և փորձարկել են այնպիսի թեստ, որը թույլ է տալիս նվազեցնել հետազոտության ժամանակը: Հայտնաբերման ժամանակը 60-90 րոպե է»,-ասել է Ակիմկինը՝ առաջատար համաճարակաբանների և վիրուսաբանների հետ հանդիպման ժամանակ:

Բացի այդ, նա տեղեկացրել է, որ առաջիկայում գրանցման կուղարկվի թեստային համակարգ, որն ի վիճակի կլինի ախտորոշել կորոնավիրուսի այն շտամը, որը նախկինում հայտնաբերվել էր Մեծ Բրիտանիայում:

Hayatsk.info

Հեշթեգներ: Ռուսաստան  


Վերնագիրի այլ պիտակները