Ավտոարտադրողներ «PSA»-ի եւ «Fiat Chrysler»-ի միաձուլման պայմանագիրն ուժի մեջ է մտել

10:02   17 Հունվար 2021    208

Ֆրանսիական «PSA» ավտոարտադրողի, որին, ի թիվս այլ բաների, պատկանում է «Opel» ապրանքանիշը, եւ ամերիկա-իտալական «Fiat Chrysler» ավտոարտադրողի միաձուլման պայմանագիրը ուժի մեջ է մտել շաբաթ օրը՝ հունվարի 16-ին:

Ավելի վաղ երկու ընկերությունների բաժնետերերի բացարձակ մեծամասնությունը հաստատել էր «PSA եւ Fiat Chrysler» ավտոարտադրողների միաձուլման որոշումը:

Միաձուլման արդյունքում ստեղծված Stellantis ընկերությունը վաճառքների ծավալով աշխարհում չորրորդ խոշոր արտադրողն է՝ Volkswagen-ից, Toyota-ից եւ General Motors-ից հետո: Ընկերությունն արտադրում է այնպիսի ապրանքանիշներ, ինչպիսիք են Peugeot-ը, Citroёn, Opel-ը, Fiat-ը, Chrysler-ը, Jeep-ը եւ Maserati-ն, եւ ունի ավելի քան 400 000 աշխատակից:

PSA Groupe-ի մամուլի ծառայության հաղորդմամբ, Stellantis-ի բաժնետոմսերը Փարիզի եւ Միլանի ֆոնդային բորսաներում կսկսեն սակարկվել հունվարի 18-ին, իսկ Նյու Յորքի ֆոնդային բորսայում՝ հունվարի 19-ին:

Hayatsk.info

Հեշթեգներ: Fiat-Chrysler  


Վերնագիրի այլ պիտակները