Միլիարդատեր Ռիչարդ Բրենսոնի ընկերությունը հաջողությամբ փորձարկել է LauncherOne հրթիռակիրը

20:58   18 Հունվար 2021    216

Բրիտանացի միլիարդատեր Ռիչարդ Բրենսոնի Virgin Orbit ամերիկյան ընկերությունը հաջողությամբ փորձարկել է LauncherOne հրթիռակիրը եւ ուղեծիր հանել CubeSat միկրոարբանյակների խումբը:

Ընկերության ներկայացուցչի խոսքով՝ փորձարկումներն անցել են «ծրագրին խիստ համապատասխան»: Հունվարի 17-ին Boeing 747 ինքնաթիռը, որի թեւի տակ ամրացված է եղել LauncherOne հրթիռը, թռչել է Մոհավե անապատում (Կալիֆոռնիա նահանգ) գտնվող տիեզերակայանից: Մոտ 40 րոպե անց հրթիռն արձակվել է ավտոմատ ռեժիմով, տեղեկացնում է Hayatsk.info-ն:

Դա ընկերության առաջին հաջողված առաքելությունն է:

Ավելի վաղ մայիսին LauncherOne-ի փորձարկումները դադարեցվել էին, քանի որ հրթիռի շարժիչն անջատվել էր ինքնաթիռից առանձնացումից անմիջապես հետո:

Hayatsk.info

Հեշթեգներ: Աշխարհ    


Վերնագիրի այլ պիտակները