ԶԼՄ-ները բացահայտել են Թրամփի հրաժեշտի տեսաուղերձի մանրամասները

13:34   19 Հունվար 2021    225

ԱՄՆ նախագահ Դոնալդ Թրամփը պաշտոնից հեռանալուց առաջ երկուշաբթի հրաժեշտի տեսաուղերձ է ձայնագրել, որում պատմել է իշխանության չորս տարվա ընթացքում իր ձեռքբերումների մասին, հաղորդում է CNN հեռուստաալիքը։

Սպասվում է, որ տեսագրությունը կարող է հրապարակվել երեքշաբթի, սակայն ուղերձի թողարկման վերջնական ժամանակը դեռևս հայտնի չէ։

Նշվում է, որ իր ելույթում Թրամփը թվել է նախագահի պաշտոնում իր կարծիքով առավել էական ձեռքբերումները: Ըստ հաղորդման՝ ուղերձում նա նաև խոսել է նոր վարչակազմի մասին, տեղեկացնում է Hayatsk.info-ն։

ԱՄՆ նորընտիր նախագահ Ջո Բայդենի երդմնակալության արարողությունը տեղի կունենա հունվարի 20-ին, դրան նախապատրաստվելու և հունվարի 6-ին Կապիտոլիումի հարձակման կապակցությամբ երկրի մայրաքաղաք Վաշինգտոնում անվտանգության աննախադեպ միջոցառումներ են ձեռնարկվել:

Թրամփը հրաժարվել է ներկա գտնվել նորընտիր նախագահ Ջո Բայդենի երդմնակալությանը։

Hayatsk.info

Հեշթեգներ: Թրամփ  


Վերնագիրի այլ պիտակները