ՀԴԲ-ն բացահայտել է Բայդենի երդմնակալությունը տապալելու «QAnon»-ի ծրագրերը

14:47   19 Հունվար 2021    132

QAnon դավադրության շարժման հետևորդները քննարկել են նորընտիր նախագահ Ջո Բայդենի երդմնակալության արարողությունը խափանելու համար Ազգային գվարդիայի մարտիկների տեսքով ներթափանցելու հնարավորությունը:

Hayatsk.info-ն հայտնում է, որ այս մասին ՀԴԲ-ն իմացել է, երեքշաբթի՝ հունվարի 19-ին, հայտնում է The Washington Post-ը:

«Երկուշաբթի ՀԴԲ-ն մասնավոր կարգով նախազգուշացրեց իրավապահ մարմիններին, որ ծայրահեղ աջ ծայրահեղականները քննարկել են, թե ինչպես ներկայանալ Վաշինգտոնում Ազգային գվարդիայի սպաների անվան տակ»,- գրում է թերթը՝ հղում կատարելով հետախուզության զեկույցին։

Ծայրահեղականները քարտեզների վրա ուսումնասիրել են նաև Վաշինգտոնի խոցելի կողմերը, ինչը կարող է վկայել Բայդենի երդմնակալությունը խափանելու փորձի մասին:

Նկատենք, որ QAnon դավադրության տեսության կողմնակիցները կարծում են, որ ԱՄՆ ներկայիս նախագահ Դոնալդ Թրամփը «գաղտնի պատերազմ» է մղում դեմոկրատական ​​էլիտայի և հոլիվուդյան աստղերի հետ, որոնք իբր զբաղվում են երեխաների սեռական շահագործմամբ և սատանային են երկրպագում:

Hayatsk.info

Հեշթեգներ: Բայդեն  


Վերնագիրի այլ պիտակները