10 դոլար. Թաիլանդի կառավարությունը զբոսաշրջային հարկ է սահմանել

18:06   19 Հունվար 2021    203

Թաիլանդի կառավարությունը 10 դոլարի չափով զբոսաշրջային հարկ է սահմանել։

Traveling Lifestyle-ի հաղորդմամբ՝ թագավորությունում հիշյալ գաղափարը քննարկվել է դեռևս 2016 թվականից։

Թաիլանդի զբոսաշրջության և սպորտի նախարար Պհիպհատ Ռատչակիտպրաքարը հայտարարել է, որ երկրի յուրաքանչյուր օտարերկրյա այցելու պետք է վճարի թաիլանդական 300 բատ (մոտ 10 դոլար), տեղեկացնում է Hayatsk.info-ն։

Ինչպես հաղորդում են տեղական ԶԼՄ-ները, կառավարությունը նախատեսում է հարկն օգտագործել զբոսաշրջիկներին պատշաճ բժշկական օգնություն ցուցաբերելու համար։ Գումարի մնացած մասը նախատեսված է զբոսաշրջիկների սիրելի վայրերի ենթակառուցվածքների բարելավման համար։

Պարզվել է նաև, որ հարկը պետք է ուժի մեջ մտներ դեռևս անցյալ տարի, սակայն որոշումը հետաձգվել է։ Նախատեսվում է, որ այն ուժի մեջ կմտնի առաջիկա շաբաթներին։

Hayatsk.info

Հեշթեգներ: Թաիլանդ  


Վերնագիրի այլ պիտակները

hayatsk.info ©2016 | Բոլոր իրավունքները պաշտպանված են