Թրամփը վերացրել է մի շարք երկրներից ԱՄՆ մուտքի սահմանափակումները․ որոշմանը կտրականապես դեմ է Բայդենը

19:10   19 Հունվար 2021    164

ԱՄՆ գործող նախագահ Դոնալդ Թրամփը նոր հրաման է ստորագրել, ըստ որի՝ չեղարկվում են երկիր մուտքի սահմանափակումերը, որոնք ներդրվել էին կորոնավիրուսային համավարակի տարածման ֆոնին:

Այսմ ասին հայտնում է CNN-ը՝ Սպիտակ տան մամուլի ծառայությանը հղումով:

Նշվում է՝ խոսքը Շենգենյան գոտու 26 երկրների, ինչպես նաև Մեծ Բրիտանիայի, Իռլանդիայի և Բրազիլիայի քաղաքացիների մասին է, տեղեկացնում է Hayatsk.info-ն։

Որոշումն ուժի մեջ կմտնի հունվարի 26-ից։ Փաստաթղթով նախատեսվում է, որ վերոհիշյալ երկրներում գտնվող անձանց չսահմանափակված մուտքն այլևս վնաս չի հասցնի ԱՄՆ շահերին։

Այնուամենայնիվ, Չինաստանից և Իրանից ԱՄՆ մուտքի ժամանակավոր արգելքը դեռևս շարունակում է ուժի մեջ մնալ:

Նշենք՝ գործող նախագահն այս հրամանը ստորագրել է նորընտիր նախագահ Ջո Բայդենի երդմնակալությունից մեկ օր առաջ։

Թրամփի այս որոշմանը կտրականապես դեմ է Բայդենը: Այս առնչությամբ նրա մամուլի քարտուղար Ջեն Փսակին հայտարարել է՝ վարչակազմի իշխանության գալուն պես, սահմանափակումները կրկին կներդրվեն:

«Համաճարակի վատթարացման և ամբողջ աշխարհում ավելի վարակիչ տարբերակների առաջացման հետ մեկտեղ ժամանակը չէ, որ մենք վերացնենք միջազգային ճանապարհորդությունների սահմանափակումները», - շեշտել է Պսակին իր թվիթերյան պաշտոնական էջում:

Բացի այդ, նա հավելել է՝ «վարչակազմը մտադիր չէ վերացնել այդ սահմանափակումները հունվարի 26-ին: Ընդհակառակը, նախատեսվում է՝ խստացնել միջազգային առողջապահական միջոցառումները միջազգային ճանապարհորդությունների շուրջ, որպեսզի կանխվի COVID-19-ի տարածումը»:

Hayatsk.info

Հեշթեգներ: Թրամփ  


Վերնագիրի այլ պիտակները