Fitch-ը Բայդենի օրոք պատժամիջոցների մեծ սպառնալիք է կանխատեսում ՌԴ-ի համար

20:55   19 Հունվար 2021    176

ԱՄՆ նորընտիր նախագահ Ջո Բայդենի վարչակազմի իշխանության գալուց հետո Ռուսաստանի դեմ ԱՄՆ պատժամիջոցների ռիսկը կմնա բարձր, գրում է միջազգային վարկանիշային Fitch գործակալությունը:

Բայդենի երդմնակալության արարողությունը նախատեսված է հունվարի 20-ին, տեղեկացնում է Hayatsk.info-ն:

«ԱՄՆ պատժամիջոցները Բայդենի օրոք կշարունակեն սահմանափակել Ռուսաստանի ինքնիշխան վարկունակությունը: ԱՄՆ լրացուցիչ պատժամիջոցների ռիսկը շարունակում է մնալ բարձր, չնայած որ ցանկացած նոր պատժամիջոց կարող է ավելի թիրախավորված լինել և մաս կազմել ԱՄՆ արտաքին քաղաքականության ավելի բազմակողմ մոտեցման»,- ասված է գործակալության հաղորդագրությունում։

Գործակալության կարծիքով՝ պետք չէ ակնկալել պատժամիջոցների անմիջապես կիրառում, քանի որ Բայդենը նախ կլուծի կորոնավիրուսի համավարակի և երկրում ստեղծված ներքին իրավիճակի հետ կապված «հրատապ խնդիրներ»: Բացի այդ, նրա վարչակազմին ժամանակ է հարկավոր Ռուսաստանի նկատմամբ իր քաղաքականությունը զարգացնելու համար, ներառյալ ռազմավարական զենքի կրճատման պայմանագիրը երկարաձգելու բանակցությունները, որն ավարտվում է փետրվարի 5-ին:

Hayatsk.info

Հեշթեգներ: Աշխարհ    


Վերնագիրի այլ պիտակները