Սպիտակ տունը՝ Պուտին-Բայդեն հեռախոսազրույցի հավանականության մասին

11:40   21 Հունվար 2021    408

ԱՄՆ-ի և Ռուսաստանի նախագահներ Ջո Բայդենի և Վլադիմիր Պուտինի միջև հեռախոսազրույցի ծրագրեր դեռևս չկան, հայտնել է Սպիտակ տունը։

«Ես ոչինչ չունեմ ասելու նախագահ Պուտինի հետ հեռախոսազրույցի մասին»,-ասել է Սպիտակ տան մամուլի քարտուղար Ջեն Փսակին:

Փսակիի խոսքով՝ Բայդենի առաջին հեռախոսային բանակցությունները սպասվում են «գործընկերների և դաշնակիցների հետ»:

«Օտարերկրյա առաջնորդի հետ առաջին հեռախոսազրույցը տեղի կունենա ուրբաթ՝ Կանադայի վարչապետ Ջասթին Թրյուդոյի հետ»,- ասել է նա:

Փսակին նշել է, որ շփման ընթացքում սպասվում է քննարկել Կանադայի հետ հարաբերությունների և երկու երկրների սահմանին Keystone XL խողովակաշարի շինարարության արգելափակման մասին Բայդենի որոշումը։

Նախօրեին ԱՄՆ 46-րդ նախագահ Ջո Բայդենը ստանձնել է երկրի ղեկավարի պարտականությունները: Բայդենը երդվել է ընտանեկան Աստվածաշնչի վրա, որն օգտագործել է 2009 և 2013 թվականներին փոխնախագահի պաշտոնը ստանձնելիս:

Տեղի է ունեցել նաև ԱՄՆ առաջին կին փոխնախագահ Քամալա Հարիսի երդմնակալությունը, որը նաև առաջին սևամորթ և ասիական ծագմամբ փոխնախագահն է: Նրա երդումն ընդունել է Գերագույն դատարանի դատավոր Սոնյա Սոթոմեյորը:

Hayatsk.info

Հեշթեգներ: ԱՄՆ   Ռուսաստան  


Վերնագիրի այլ պիտակները

hayatsk.info ©2016 | Բոլոր իրավունքները պաշտպանված են