Ամերիկյան քաղաքականության «ալֆայի և օմեգայի» մասին

14:57   21 Հունվար 2021    155

ԱՄՆ-ում Ռուսաստանի դեսպան Անատոլի Անտոնովը ՌԻԱ Նովոստիի հետ զրույցում խոսել է ամերիկյան քաղաքականության «ալֆայի և օմեգայի» մասին:

Անտոնովի խոսքերով, ԱՄՆ քաղաքականության առաջնահերթություններից մեկը մնում է Ռուսաստանի համակարգային զսպումը․ «Եթե Ռուսաստանի ուղղությամբ որևէ փոփոխություն լինի, դա կլինի ոչ թե ըստ էության, այլ ավելի շուտ՝ նրբությունների մեջ»,-բացատրել է նա:

Դեսպանը նշել է, որ ԱՄՆ նորընտիր նախագահ Ջո Բայդենի թիմին պետք է ժամանակ տրամադրել արտաքին քաղաքականության առաջնահերթությունները և կոնկրետ հարցերի վերաբերյալ մոտեցումները որոշելու համար:

Նա շեշտել է, որ ԱՄՆ միջազգային կուրսի մասին ավելի լավ է դատել պրակտիկ գործողություններից, այլ ոչ թե միայն ելնելով նախընտրական հռետորաբանությունից, հավելել է նա: Չնայած դրան, ռուսական կողմն այս առումով «հեռու է պայծառ սպասումներից», ասել է նա:

Hayatsk.info

Հեշթեգներ: ԱՄՆ  


Վերնագիրի այլ պիտակները