COVID-19-ի նոր հիմնամանրէի պատճառով կարող է հարկ լինել արդիականացնել պատվաստանյութերը

10:15   22 Հունվար 2021    135

COVID-19-ի դեմ պատվաստանյութերը, հավանաբար, անհրաժեշտ է արդիականացնել կորոնավիրուսի նոր տարատեսակի դեմ պաշտպանությունն ուժեղացնելու նպատակով, որը հայտնաբերվել է Հարավային Աֆրիկայում:

Hayatsk.info-ն հայտնում է, որ այդ մասին հաղորդել է The Guardian բրիտանական հրատարակությունը՝ վկայակոչելով ուսումնասիրությունը:

Յոհաննեսբուրգի վարակիչ հիվանդությունների ազգային ինստիտուտի գիտկանների հետազոտությունների՝ այս շաբաթ ավելի վաղ հրապարակված տվյալների համաձայն, կորոնավիրուսի՝ 501Y.v2 կամ B1351 անվանումները կրող նոր տարատեսակի մուտացիաներն այս հիմնամանրէն ավելի կայուն են դարձնում արյան պլազմայի մեջ հակամարմինների նկատմամբ, որոնց դոնորները եղել են COVID-19-ով հիվանդները:

Հետազոտությունների հիման վրա կարելի է այն եզրակացությունն անել, որ COVID-19-ի այս տեսակով վարակվելու հավանականությունը կարող է շատ անգամ ավելի մեծ լինել այն մարդկանց մոտ, որոնք արդեն հիվանդացել են կորոնավիրուսով, իսկ ամբողջ աշխարհում տարածվող պատվաստանյութերը կարող են ավելի պակաս արդյունավետ լինել նոր հիմնամանրէի դեմ պայքարում, նշում է The Guardian-ը:

Hayatsk.info

Հեշթեգներ: Աֆրիկա  


Վերնագիրի այլ պիտակները