Եվրամիությունը «մուգ կարմիր» գոտիներ է սահմանել COVID-19-ի շրջանակներում

19:58   22 Հունվար 2021    178

Եվրամիության ղեկավարները որոշել են համավարակի «մուգ կարմիր» գոտիների նոր հասկացություն շրջանառել, հայտարարել է Եվրահանձնաժողովի ղեկավար Ուրսուլա ֆոն դեր Լյայենը ԵՄ գագաթնաժողովից հետո կայացած մամուլի ասուլիսի ժամանակ:

«Մուգ կարմիր գոտիներ» կհամարվեն նոր տիպի կորոնավիրուսի հատկապես մեծ տարածվածությամբ վայրերը, բացատրել է ֆոն դեր Լյայենը: Նա հավելել է, որ տեղաշարժման նպատակային սահմանափակումներ կարող են կիրառվել նման տարածքների դեպքում, տեղեկացնում է Hayatsk.info-ն:

«Մարդիկ, որոնք մեկնում են մուգ կարմիր գոտիներից, կպարտավորվեն մեկնելուց առաջ [կորոնավիրուսի] թեստ անցնել և կարանտինում մնալ՝ Եվրամիության սահմաններում տեղ հասնելուց հետո», – ասել է ԵՀ ղեկավարը:

Ըստ նրա, նման միջոցառումներն անհրաժեշտ են սահմանների ամբողջական փակումը կանխելու համար:

Hayatsk.info

Հեշթեգներ: Եվրամիություն  


Վերնագիրի այլ պիտակները