Իրանը կսկսի Ադրբեջանի հետ սահմանի մոտ երկաթուղային տերմինալի կառուցումը

16:19   25 Հունվար 2021    291

Իրանի Արդեբիլ նահանգի հյուսիսարեւմտյան Պարսաբադ շրջանում շուտով երկաթուղային տերմինալ կկառուցվի:

Hayatsk.info-ն հայտնում է, որ այս մասին ասել է Արդեբիլի նահանգապետ Աքբար Բեհնամջուն:

Նրա խոսքով՝ այդ նախագծի հետ կապված տնտեսական, առեւտրային եւ մարդասիրական ոլորտներում համագործակցության հարցով ադրբեջանաիրանական հանձնաժողովի 14-րդ նիստում պայմանագիր է ստորագրվել: Բեհնամջուն հավելել է, որ Արդեբիլ-Պարսաբադ երկաթգծի առաջին 25 կմ-ն արդեն կառուցվել է: Նա նշել է, որ այդ տերմինալը կնպաստի գյուղատնտեսական արտադրանքի արտահանմանը դեպի Ադրբեջան, Ռուսաստան եւ Կենտրոնական Ասիայի երկրներ:

Այսօր Ադրբեջանի նախագահ Իլհամ Ալիեւն ընդունել է Իրանի արտաքին գործերի նախարար Մոհամմադ Ջավադ Զարիֆին:

Hayatsk.info

Հեշթեգներ: Ադրբեջան   Իրան  


Վերնագիրի այլ պիտակները