Մադրիդում խստացրել են պարետային ժամը և արգելել` հյուր գնալը

21:58   25 Հունվար 2021    244

Իսպանիայի իշխանությունները հունվարի 25-ից խստացնում են պարետային ժամը Մադրիդի ինքնավար հանրակցությունում:

Նման միջոցառումները կտևեն առնվազն երկու շաբաթ: Բացի այդ, իշխանություններն արգելում են մարդկանց հյուր հրավիրել: Բացառություն կարող են լինել միայն այցերը՝ մեկ այլ մարդու օգնելու նպատակով կամ ստուգել, թե ինչպես է նա, տեղեկացնում է Hayatsk.info-ն:

Բացի ընտանիքի անդամներից, որևէ մեկի հետ հանդիպելը կարելի կլինի դրսում կամ հասարակական վայրում, հավաքվել կարելի է ոչ ավելի, քան չորս հոգով:

Համավարակի սկզբից ի վեր Իսպանիայում կորոնավիրուսով վարակվել է ավելի քան 2,6 մլն մարդ, 55,4 հազարից ավելին մահացել։

Hayatsk.info

Հեշթեգներ: Աշխարհ    


Վերնագիրի այլ պիտակները