Մոսկվայում պատվաստելու են ռուսական քաղաքացիություն չունեցող առաքիչներին ու տաքսիստներին

12:03   27 Հունվար 2021    176

Մոսկվայում առաքիչներն ու տաքսու վարորդները, որոնք չունեն Ռուսաստանի քաղաքացիություն, պատվաստվելու են կորոնավիրուսային վարակի դեմ, նման որոշում կայացրել են քաղաքային իշխանությունները:

Hayatsk.info-ն հայտնում է, որ այս մասին հաղորդվում է մայրաքաղաքի տրանսպորտի վարչության «Telegram»-ի էջում:

«Տաքսու վարորդները կապի մեջ են մեծ թվով մարդկանց հետ, և պատվաստանյութը կպաշտպանի ոչ միայն իրենց, այլ նաև նրանց, որոնք օգտվում են ծառայություններից», - ասվում է հաղորդագրության մեջ:

Ներկայումս աշխատակիցների համար տրանսպորտային պահեստում գործում է վեց շարժական պատվաստումների կայան: Ապագայում նախատեսվում է կազմակերպել պատվաստումներ բոլոր տաքսի ընկերությունների վարորդների համար:

Առաքման տարբեր ծառայությունների աշխատակիցները նույնպես կկարողանան պատվաստել այդ կետերում:

Hayatsk.info

Հեշթեգներ: Մոսկվա  


Վերնագիրի այլ պիտակները