Հույն գիտնականները Լեսբոս կղզում 20 միլիոն տարեկան հազվագյուտ քարացած ծառ են հայտնաբերել

13:15   27 Հունվար 2021    138

Հույն գիտնականները Լեսբոս կղզում հայտնաբերել են հազվագյուտ քարացած ծառ, որի ճյուղերն ու արմատները 20 միլիոն տարի անց անձեռնմխելի են մնացել:

Ծառը հայտնաբերվել է հինավուրց անտառի մոտակայքում ճանապարհային աշխատանքների ժամանակ, միլիոնավոր տարիներ առաջ քարացած ծառն այս վայրից տեղափոխվել է հատուկ տեխնիկայի միջոցով, տեղեկացնում է Hayatsk.info-ն։

«1995-ից պեղումների սկսվելուց ի վեր առաջին անգամ է ծառը հայտնաբերվում այդպիսի լավ վիճակում՝ ճյուղերի եւ արմատների հետ միասին»,- ասել է Լեսբոսի Քարացած անտառի բնական պատմության թանգարանի պրոֆեսոր Նիկոս Զուրոսը: «Սա հազվագյուտ գտածո է»,- ասել է նա: «Այն պահպանվել է գերազանց վիճակում, եւ քարացած փայտը ուսումնասիրելով՝ մենք կկարողանանք որոշել բույսի տեսակը»:

Լեսբոսի 15 000 հա քարացած անտառը, որը գտնվում է ՅՈՒՆԵՍԿՕ-ի պաշտպանության ներքո, 20 միլիոն տարի առաջ հրաբխի ժայթքման արդյունք է:

Մոտ 19 մետր երկարությամբ քարացած ծառն ընկնելուց հետո պահպանվել է հրաբխային մոխրի հաստ շերտի տակ: Նույն տեղում հայտնաբերվել են մեծ քանակությամբ պտղատու ծառերի տերեւներ:

«Պեղումների ժամանակ հայտնաբերվել են 17-20 միլիոն տարի առաջ Լեսբոսում գոյություն ունեցած տարբեր անտառներ, եւ մենք կարող ենք վերականգնել այն էկոհամակարգը, որն այդ ժամանակ գոյություն է ունեցել»,- ասել է Զուրոսը:

a href="http://hayatsk.info " target="_blank">Hayatsk.info

Հեշթեգներ: Աշխարհ    


Վերնագիրի այլ պիտակները