Ռուսաստանը եւ ԱՄՆ-ն պայմանավորվել են երկարաձգել START-3-ը` Մոսկվայի պայմաններով

12:58   27 Հունվար 2021    185

Ռուսաստանը եւ ԱՄՆ-ն որոշում են կայացրել երկարաձգել Ռազմավարական հարձակողական զենքի կրճատման մասին պայմանագիրը (ՌՀԶԿՊ) Մոսկվայի պայմաններով, հայտարարել է ՌԴ փոխարտգործնախարար Սերգեյ Ռյաբկովը:

«Մեր պայմաններով. հինգ տարով` առանց նախապայմանների, առանց որեւէ լրացումների եւ որեւէ հավելումների»,- ասել է նա լրագրողներին: Երեքշաբթի օրը հեռախոսազրույց է տեղի ունեցել Ռուսաստանի եւ Միացյալ Նահանգների նախագահներ Վլադիմիր Պուտինի եւ Ջոզեֆ Բայդենի միջեւ, տեղեկացնում է Hayatsk.info-ն:

Արդյունքում, երկուսն էլ գոհունակություն են հայտնել ՌՀԶԿ պայմանագրի ժամկետի երկարաձգման շուրջ համաձայնության գալու վերաբերյալ նոտաների փոխանակման կապակցությամբ: Սպիտակ տան տվյլաներով` Բայդենը եւ Պուտինը իրենց աշխատակիցներին հանձնարարել են շտապ աշխատել` այն մինչեւ փետրվարի 5-ը երկարաձգել հասցնելու համար:

Hayatsk.info

Հեշթեգներ: Մոսկվա  


Վերնագիրի այլ պիտակները