«ԱՄՆ-ի հետ հարաբերությունների վերաբեռնման մասին առայժմ խոսք լինել չի կարող»․ Պեսկով

16:18   27 Հունվար 2021    203

ԱՄՆ-ի հետ հարաբերությունների վերաբեռնման մասին առայժմ խոսք չի կարող լինել, դրա համար պայմաններ չկան, հայտարարել է ՌԴ նախագահի մամուլի քարտուղար Դմիտրի Պեսկովը՝ նշելով, որ նախօրեին կայացած հեռախոսազրույցի ընթացքում Ռուսաստանի և ԱՄՆ-ի նախագահներ Վլադիմիր Պուտինն ու Ջո Բայդենը նշել են լուրջ տարաձայնությունների առկայությունը, բայց հանդես են եկել երկխոսությունը շարունակելու օգտին:

«Ոչ, պետք չէ կիրառել այդ տերմինը։ Դրան համար դեռևս ոչ մի պայման չկա։ Համաձայնություն և պայմանավորվածություն կա մի շատ կարևոր հարցի շուրջ, այն է՝ Ռազմավարական հարձակողական սպառազինության սահմանափակման և կրճատման մասին պայմանագրի երկարաձգումը»,- նշել է Պեսկովը՝ հավելելով, որ երկու երկրների նախագահներն, այնուամենայնիվ, ընդունելով բավական լուրջ տարաձայնությունների առկայությունը, ընդգծել են երկխոսությունը շարունակելու անհրաժեշտությունը, տեղեկացնում է Hayatsk.info-ն։

Hayatsk.info

Հեշթեգներ: Պեսկով  


Վերնագիրի այլ պիտակները