Նախագահ. Ողջ աշխարհը Շուշան ճանաչեց և ընդունեց որպես ադրբեջանական քաղաք

15:38   27 Հունվար 2021    528

«Ազատագրված տարածքներում նախագահի հատուկ ներկայացուցչի ինստիտուտը ստեղծվել է հունվարի 19-ին՝ իմ նախաձեռնությամբ: Առաջին նշանակումը եղավ հենց Շուշայի շրջանում և դա բնական է: Շուշան հատուկ տեղ է զբաղեցնում ադրբեջանական ժողովրդի սրտում: Շուշան Ղարաբաղի թագն է, անկրկնելի քաղաք է:

Շուշայի աշխարհագրական դիրքը, նրա բնությունը, օդը, կլիման, պատմական հուշարձանները, կրոնական հուշարձանները, ճարտարապետությունը մեր ազգային հարստությունն է: Մենք պետք է պահպանենք Շուշան: Մենք վերադարձանք Շուշա և այսուհետ ադրբեջանական ժողովուրդը հավերժ ապրելու է այս քաղաքում: Շուշան միշտ ադրբեջանական քաղաք է եղել և չնայած հայերի բոլոր ջանքերին՝ ողջ աշխարհը Շուշան ճանաչեց և ընդունեց որպես ադրբեջանական քաղաք»:

Hayatsk.info-ն հայտնում է, որ այս մասին հայտարարել է Ադրբեջանի Հանրապետության նախագահ Իլհամ Ալիևը, ով տեսակապի միջոցով ընդունել է Շուշայի շրջանում Ադրբեջանի նախագահի նորանշանակ հատուկ ներկայացուցիչ Այդըն Քերիմովին:

Երկրի ղեկավարը նշել է, որ Շուշայի օկուպացիան մեծ ողբերգություն էր:

Hayatsk.info

Հեշթեգներ: Շուշա  


Վերնագիրի այլ պիտակները