ԱՀԿ-ում գնահատել են պատվաստման ազդեցությունը COVID-19-ի տարածման վրա

19:10   27 Հունվար 2021    184

Փաստական տվյալներ այն մասին, որ պատվաստումը նվազեցնում Է կորոնավիրուսի փոխանցման ռիսկը, առայժմ չկան:

Այդ մասին ասվում Է ԱՀԿ-ի իմունացման հարցերով փորձագետների ռազմավարական կոնսուլտատիվ խմբի (ՓՌԿԽ) որոշման մեջ, որը հրապարակվել Է հունվարի 26-ին, տեղեկացնում է Hayatsk.info-ն:

Որոշման մեջ խումբը հայտարարել Է, որ անհրաժեշտության չկա ներարկում անել գերակա միջազգային ճանապարհորդներին:

ԱՀԿ-ի փաստարկներից մեկը՝ պատվաստանյութերի սահմանափակ առաջարկի շրջանում «միջազգային ուղեւորություններ կատարող անձանց պատվաստման արտոնությունները, կհակասեն արդարության սկզբունքներին»:

Կոնսուլտատիվ խմբի երկրորդ փաստարկն «այն փաստական տվյալների բացակայությունն Է, որ պատվաստումը նվազեցնում Է վարակի փոխանցման ռիսկը»: Դրա հետ կապված ԱՀԿ-ն հանձնարարում Է կորոնավիրուսի դեմ պատվաստել միայն բարձր ռիսկի խմբի ճանապարհորդներին:

Hayatsk.info

Հեշթեգներ: ԱՀԿ  


Վերնագիրի այլ պիտակները