Boeing-ը բոլոր ավիաուղիներին խորհուրդ է տվել դադարեցնել Boeing 777 օդանավերի շահագործումը

13:55   22 Փետրվար 2021    154

Ամերիկյան Boeing ընկերությունը ծանուցում է ուղարկել բոլոր ավիաընկերություններին՝ խորհուրդ տալով դադարեցնել Pratt & Whitney PW 4000 շարժիչով համալրված 777 մոդելի իրենց բոլոր ինքնաթիռների թռիչքները:

Hayatsk.info-ն հայտնում է, որ վկայակոչելով ընկերության մամուլի ծառայությանը, որոշումը պայմանավորված է United Airlines ավիաընկերության տվյալ մոդելի օդանավի հետ տեղի ունեցած միջադեպով:

«Boeing-ն ակտիվորեն հետևում է վերջին իրադարձություններին՝ կապված United Airlines-ի 328 չվերթի հետ: Հետաքննության անցկացման ժամանակահատվածում խորհուրդ ենք տալիս դադարեցնել թռիչքներ իրականացնող ինքնաթիռների գործածությունը, քանի դեռ ԱՄՆ Քաղաքվիացիայի դաշնային վարչությունը չի ավարտել ստուգումները», - ասվում է ընկերության հաղորդագրության մեջ:

Ընկերությունը լիակատար աջակցություն է հայտնել Ճապոնիայի և ԱՄՆ-ի ավիակարգավարներին, որոնք արդեն դադարեցրել են տվյալ ինքնաթիռների թռիչքները:

Hayatsk.info

Հեշթեգներ: Աշխարհ    


Վերնագիրի այլ պիտակները