Վրաստանի վարչապետի թեկնածուն Սաակաշվիլիին անվանել է ազգի և բանակի խայտառակություն

15:26   22 Փետրվար 2021    228

Վրաստանի վարչապետի թեկնածու Իրակլի Ղարիբաշվիլին նախկին նախագահ Միխեիլ Սաակաշվիլիին անվանել է ազգի և բանակի խայտառակություն:

Վրաստանի խորհրդարանը պետք է երկուշաբթի քվեարկի վարչապետի թեկնածուին և նրա կառավարությանը վստահության քվե հայտնելու օգտին:

«Մեզ մեղադրում են այն դավաճանության և մղձավանջի համար, որը կատարել է «Միասնական ազգային շարժում» կուսակցությունը։ Ինչպես կարելի է մարդուն մեղադրել առանց հստակ ապացույցների որևէ բանի մեջ։ Միխեիլ Սաակաշվիլին մեր ազգի և բանակի խայտառակությունն է, որն իրեն գլխավոր հրամանատար է կոչում, զրպարտություն է անում։ Մարդ, որը խոշտանգել է մարդկանց»,- հայտարարել է Ղարիբաշվիլին խորհրդարանում։

Նա պնդում է, որ Վրաստանի քաղաքացիները չեն պատկերացնում երկրի զարգացումը «Միասնական ազգային շարժում» կուսակցության մասնակցությամբ։

Hayatsk.info

Հեշթեգներ: Վրաստան  


Վերնագիրի այլ պիտակները