Հանրապետականները քննադատել են Բայդենին «Հյուսիսային հոսք 2»-ի հարցով դիրքորոշման համար

17:41   22 Փետրվար 2021    221

ԱՄՆ Կոնգրեսի Հանրապետական կուսակցության սենատորները կոշտ քննադատել են ռուսական «Հյուսիսային հոսք 2» գազամուղի շինարարության հարցում ԱՄՆ նախագահ Ջո Բայդենի վարչակազմի դիրքորոշումը, գրում է Gazeta-ն՝ հղում անելով The Wall Street Journal-ին:

Այսպես, սենատոր Թեդ Քրուզը կարծում է, որ Սպիտակ տունը ազդանշաններ է ուղարկում նախագծի շինարարությունը թույլ տալու մտադրության մասին:

Քրուզը, ինչպես նաեւ սենատոր Ջիմ Ռիչը եւ Ներկայացուցիչների պալատի՝ արտաքին գործերի հանձնաժողովի անդամ Մայքլ ՄքՔոլը այդ առաջարկները «բացարձակ ոչ ադեկվատ» են համարել:

Ավելի վաղ ԱՄՆ-ը պատժամիջոցներ էր սահմանել «Ֆորտունա»-ի եւ նավի սեփականատեր «KBT-Ռուս» ընկերության դեմ: «Հյուսիսային հոսք 2» նախագծի իրականացումը կասեցվել էր կապված գազատարների կապալառուների նկատմամբ 2019 թվականի դեկտեմբերին Միացյալ Նահանգների կողմից սահմանված պատժամիջոցների հետ: Նախագահ Վլադիմիր Պուտինը 2020 թվականի հունվարին հայտարարել էր, որ «Հյուսիսային հոսք 2»-ը ավարտին կհասցվի ռուսական ուժերով, բայց շինարարությունը կավարտվի նախատեսվածից մի քանի ամիս ուշ:

Hayatsk.info

Հեշթեգներ: Հյուսիսային-հոսք-2  


Վերնագիրի այլ պիտակները